صیہونیوں کا خونخوار چہرہ ایک بار پھر منظرعام پر

?️ 21 جون 2023

سچ خبریں:رواں ہفتے پیر کے روز مغربی کنارے کے جنین کیمپ پر صہیونی فوج کے حملے میں زخمی ہونے والی 15 سالہ فلسطینی لڑکی زخموں کی تاب نہ لاتے ہوئے چل بسی۔

بدھ کی صبح فلسطینی ذرائع ابلاغ نے دو روز قبل جنین پر صیہونی فوج کے حملے میں زخمی ہونے والی 15 سالہ فلسطینی نوجوان لڑکی سدیل غسان ترکمان نغنغیه کی شہادت کا اعلان کیا۔

اس فلسطینی لڑکی کی شہادت کے ساتھ جنین میں حالیہ شہداء کی تعداد 7 ہو گئی ہے اور رواں سال کے آغاز سے اب تک فلسطینی شہداء کی تعداد 170 ہو گئی ہے۔

مزید:جنین کیمپ، صہیونیوں کے لیے ڈراؤنا خواب

یاد رہے کہ صیہونی فوجیوں نے رواں ہفتے پیر کے روز فلسطین کے مغربی کنارے میں واقع جنین کیمپ پر حملہ کیا ،اس حملے کے نتیجے میں عام شہریوں سمیت سات فلسطینی شہید اور 100 کے قریب زخمی ہوئے تھے۔

قابل ذکر ہے کہ اس حملے کی اہم بات یہ ہے کہ آپریشن کے آغاز میں فلسطینی مجاہدین کی جانب سے صیہونی فوج پر گھات لگا کر ہونے والا حملہ تھا جس میں صیہونی فوجی بکتربند گاڑی سڑک کے کنارے نصب بم سے ٹکرا گئی اور اسے شدید نقصان پہنچا نیز سات فوجی زخمی ہوئے جنہیں ہیلی کاپٹر کے ذریعے ہسپتال پہنچایا گیا۔

یہ بھی پڑھیں:جنین آپریشن میں استقامتی تحریک کا انوکھا انداز

واضح رہے کہ صیہونی فوج نے آج کہا ہے کہ عیلی سیٹی میں فائرنگ کی اطلاعات موصول ہوئی ہیں، بتایا جاتا ہے کہ فائرنگ کا نشانہ ایک صیہونی فوجی چوکی تھی۔