شیخ نعیم قاسم کی کل کی تقریر کا سب سے مختلف نکتہ 

سچ خبریں: لبنان کے اخبار "البناء” نے شیخ نعیم قاسم کے سعودی عرب سے مذاکرات کے نئے تجویز پر روشنی ڈالتے ہوئے لکھا ہے کہ حزب اللہ کے سیکرٹری جنرل کی کل کی تقریر ایک اہم واقعہ تھی، خاص طور پر اس کا وہ حصہ جس میں انہوں نے سعودی عرب سے بات چیت کی دعوت دی

انہوں نے اس بات پر زور دیا کہ قطر پر جارحیت کے بعد حالات پہلے جیسے نہیں رہے اور عظیم اسرائیل کے منصوبے نے سب کو نشانہ بنایا ہے جس کے اثرات سے کوئی بھی محفوظ نہیں ہے۔

مطلع ذرائع نے پیش گوئی کی ہے کہ شیخ قاسم کا کل کا موضع ایران کی سعودی عرب سے کھلے مذاکرات کے آغاز کی دعوت کے لیے کی جانے والی کوششوں کی تکمیل کرتا ہے۔

رپورٹ کے مطابق، ایران اور سعودی عرب کے درمیان رابطوں نے حزب اللہ اور سعودی عرب کے لیے نئے باب کے کھلنے اور باہمی مسائل کے خاتمے کا راستہ ہموار کیا ہے۔

اخبار نے افشا کیا کہ ریاض اور تہران کے درمیان رابطے 5 ستمبر کو لبنانی کابینہ کے اجلاس سے ہفتوں قبل ہوئے تھے۔ اس کے علاوہ، امریکیوں نے بھی لبنانی حکومت کو حزب اللہ اور شیعہ برادری پر دباؤ بڑھانے سے گریز کرنے کا مشورہ دیا ہے، کیونکہ اس سے ملک میں عوامی، سیاسی اور سیکیورٹی دھماکہ ہو سکتا ہے۔

شیخ قاسم کے بیان پر عرب ڈپلومیٹک ذرائع نے کہا کہ تقریر میں قابل ذکر بات سعودی عرب کے مثبت کردار پر زور دینا تھا، جسے عرب حلقوں نے مثبت نظر سے دیکھا ہے اور اس موقف کے اثرات آنے والے دنوں میں ظاہر ہوں گے۔