شہدا کا خون عراق کے خلاف دشمن کی ہر سازش کو ناکام بنا دیتا ہے:الحشد الشعبی کے سربراہ

?️ 3 فروری 2021

سچ خبریں:عراقی الحشد الشعبی کے سربراہ کے سربراہ نے عراق کے خلاف سازشوں کو ناکام ہونے کا راز اپنے متعدد مجاہدین کی شہادت قرار دیا۔
المعلومہ نیوز ایجنسی کی رپورٹ کے مطابق ، عراقی الحشد الشعبی کے سربراہ فالح الفیاض نے کہا ہے کہ تنظیم کی افواج کے خون نے عراق کے خلاف دشمن کی تمام سازشوں کو ناکام بنا دیا، انہوں نے مزید کہاکہ الحشد الشعبی کا خون جو عراق کے مختلف حصوں میں روزانہ بہایا جاتا ہے وہ تمام مجاہدین اور دہشت گردی اور فرقہ واریت کے خلاف لڑنے والوں کے لیے مشعل راہ قرار پاتا ہے۔

الفیاض نے اس بات پر زور دیا کہ الحشد الشعبی کے مجاہدین کا خون عراق کی سلامتی اور اس کے اتحاد و خودمختاری کے خلاف تمام منصوبوں کو ناکام بنادے گا، انہوں نے کہا کہ دہشت گرد گروہ کبھی بھی عراق میں اپنے ناپاک عزائم کو حاصل نہیں کرسکیں گے، واضح رہے کہ الحشد الشعبی نے گذشتہ روز صوبہ دیالی میں اپنی متعدد فورسز کی شہادت کا اعلان کیا تھا،استنظیم نے اعلان کیا کہ صوبہ دیالی کے مشرقی محور میں داعش عناصر کے ساتھ جھڑپوں کے دوران الحشد الشعبی کے 5 مجاہد شہید ہوگئے۔

عراق میں فتح اتحاد کے سربراہ ہادی العامری نے بھی ان مجاہدین کی شہادت کو ملکی شناخت کے تحفظ کے لئے متحرک ہونے کی حیثیت سے بیان کیا،واضح رہے کہ عراقی عوامی تنظیم الحشد الشعبی ہی نے اس ملک سے داعش کا خاتمہ کیا نیز اس کے بعد یہ اپنے ملک سے غیر ملکی افواج کے انخلا کا مطالبہ کرتی ہے یہی وجہ ہے یہ تنظیم امریکہ اور اس کے اتحادیوں کو نہایت ہی کھٹکتی ہے اور وہ اسے خطہ میں اپنے مقاصد کی راہ میں رکاوٹ سمجھتے ہیں لہذا کبھی خود براست اور کبھی اپنے کارندوں کے ذریعہ اس کو نشانہ بناتا رہتا ہے جیسا کہ حال ہی میں اس نے الحشد الشعبی پر پابندی عائد کرکے ثابت کردیا ہے۔