شام میں صدارتی انتخابات کا آغاز

?️ 26 مئی 2021

سچ خبریں:شام کے صدارتی انتخابات کا باقاعدہ آغاز آج صبح ملک بھر میں پولنگ اسٹیشنوں کے کھلنےکے ساتھ ہوا جس میں ایک اندازے کے مطابق 18 ملین افراد ووٹ ڈالنے کے اہل ہیں۔
شامی عوام صدارتی انتخابات میں حصہ لینے کے لئے آج بدھ کے روز ووٹ ڈالنے جائیں گے، توقع ہے کہ شامی باشندے تین امیدواروں عبداللہ عبد اللہ ، بشار الاسد اور محمود میری میں سے اپنے امیدوار کو ووٹ دیں گے ،یادرہے کہ شام کے صدارتی انتخابات کا باقاعدہ آغاز آج پولنگ اسٹیشنوں میں ابتدائی اقدامات کے ساتھ ہوا،تازہ ترین اعدادوشمار کے مطابق ، ملک کے اندر اور باہر انتخابات میں حصہ لینے والے شامی شہریوں کی تعداد کا تخمینہ 18 ملین سے زیادہ ہے۔

واضح رہے کہ شامی صدارتی انتخابات بیرون ملک پہلے ہی ہوچکے ہیں، اس سلسلے میں شام کی سپریم جوڈیشل کمیٹی کے ایک رکن جج نوری نے کہاکہ انتخابات کے لئے ضروری تیاری کرلی گئی ہےاور پولنگ اسٹیشنوں میں ضروری سامان نصب کیا گیا ہےجبکہ پولنگ اسٹیشنوں میں کورونا وائرس کے پھیلاؤ کو روکنے کے لئے بھی خصوصی اقدامات اٹھائے گئے ہیں، شام کی سپریم جوڈیشل کمیٹی کے ممبر نے مزید کہا کہ آج صبح 6 بجے انتخابات سے قبل انتخابات کی حفاظت اور بیلٹ بکسوں کی سلامتی کو یقینی بنانے کے لئے صدارتی امیدواروں کے نمائندوں کے لئے پولنگ اسٹیشن اور شاخیں کھول دی گئیں۔

انہوں نے کہاکہ ابھی تک انتخابات کے سلسلے میں کوئی خلاف ورزی کی اطلاع نہیں ملی ہے اور نہ ہی الیکشن شروع ہونے کے بعد سے امیدواروں کی طرف سے کوئی خلاف ورزی نہیں ہوئی ہے،یادرہے کہ اس سے قبل شام کی سپریم آئینی عدالت نے صدارتی انتخاب میں حصہ لینے کے لئے عبداللہ سالم عبد اللہ ، بشار الاسد اور محمود احمد میری کو تین اہل امیدوار نامزد کیا تھا۔