زیادہ تر اسرائیلیوں کے موبائل فون ہیک کر لیے گئے ہیں:صہیونی میڈیا کا انکشاف

?️ 28 مارچ 2022

سچ خبریں:صیہونی میڈیا نے زیادہ تر اسرائیلیوں کے موبائل فون ہیک ہونے کا اعتراف کیا ہے نیز یہ بھی کہا ہے کہ اسرائیل میں داخل ہونے کے لیے لازمی اجازت نامے کا نظام بھی ہیک کر لیا گیا ہے۔
اشدود عبرانی زبان کی ویب سائٹ نے ایک رپورٹ میں لکھا ہے اسرائیلی انٹرنیٹ صارفین کی طرف سے کئے گئے ایک بڑے پیمانے پر فیلڈ سروے کے نتائج سے پتہ چلتا ہے کہ کم از کم نصف اسرائیلی سائبر حملوں کا شکار ہوئے ہیں جن میں سے 48 فیصد نے اپنی ذاتی معلومات حاصل کرنے کے لیے جعلی ای میلز حاصل کی ہیں۔

رپورٹ کے ایک اور حصے میں اس بات پر زور دیا گیا ہے کہ کم از کم ہر دسواں اسرائیلی بینک فراڈ یا ان کے کریڈٹ کارڈ کی معلومات کی چوری کا شکار ہوا ہے اور اسی طرح ان کا ذاتی ای میل یا سوشل نیٹ ورک اکاؤنٹ بھی چوری کیا گیا ہے جو ان کی پہنچ سے باہر ہو گیا ہے۔

ذرائع ابلاغ کے مطابق موساد کے سربراہ کا سیل فون واحد سیل فون نہیں ہے جو ہیکرز کا شکار ہوا ہے بلکہ کئی اسرائیلی بھی ایسا ہی انجام بھگت چکے ہیں،دوسری جانب صہیونی علاقوں میں کام کرنے والے فلسطینی کارکنوں کو ورک پرمٹ جاری کرنے کی ذمہ دار اسرائیلی فوج کا میڈیا ہیک کر لیا گیا اور ہیکرز ہزاروں لائسنس حاصل کرنے میں کامیاب ہو گئے جس کے بعد اسرائیلی فوج کے نام سے انٹری جاری کی گئی۔