دباؤ اور دھمکیوں کی پالیسی جاری؛ عراق کے خلاف امریکی پابندیوں کا وسیع پیکج

سچ خبریں: عراقی ذرائع کے مطابق، امریکہ ملک کی سیاسی، اقتصادی اور فوجی شخصیات کے علاوہ کئی کمپنیوں پر نئی پابندیاں عائد کرنے کا ارادہ رکھتا ہے۔

ذرائع کا کہنا ہے کہ امریکی اہلکاروں نے عراق کے حالیہ دوروں کے دوران واشنگٹن کی اس خواہش کا اظہار کیا کہ ان اداروں اور شخصیات کو نشانہ بنایا جائے جو بیرونی حمایت یافتہ گروہوں کی مالی معاونت میں ملوث ہیں۔

عراقی وزارت خارجہ کے ایک ماخذ کے مطابق، اس پابندیوں کی فہرست میں ان فوجی گروہوں کی نمایاں شخصیات شامل ہیں جو پارلیمنٹ میں نمائندگی بھی رکھتے ہیں۔ یہ پابندیاں امریکی محکمہ خزانہ کی جانب سے نافذ کی جائیں گی۔

ذرائع نے یہ بھی بتایا کہ امریکہ کی یہ سخت پابندیاں توانائی اور لاجسٹکس کے شعبوں میں سرگرم کچھ کمپنیوں کو بھی متاثر کریں گی۔

رپورٹ کے مطابق، امریکہ نے پہلے ہی خصوصی چینلز کے ذریعے عراق کو اطلاع دے دی تھی کہ وہ بغداد کے ساتھ اپنے تعلقات کی نئی تعریف کے لیے ایک نیا پالیسی فریم ورک تشکیل دے گا۔ جاری معلومات کے مطابق، پابندیوں کا یہ نیا پیکیگ پچھلے پیکیجز سے کہیں بڑا اور وسیع ہوگا۔