سچ خبریں: تحریک حماس نے اتوار کی صبح ایک بیان میں یمنی مسلح افواج کے صہیونی جہازوں کو نشانہ بنانے کے فیصلے کو سراہا ہے۔
فلسطینی سما خبررساں ادارے کی رپورٹ کے مطابق تحریک حماس نے ایک بیان میں اعلان کیا ہے کہ وہ صہیونی بحری جہازوں کے گزرنے سے روکنے کے یمنی بھائیوں کے فیصلے کو سراہتی ہے۔
یہ بھی پڑھیں: غزہ جنگ میں یمنیوں کا پلڑا بھاری
حماس نے مزید کہا کہ ہم اس فیصلے کو ایک بہادرانہ اور دلیرانہ فیصلہ سمجھتے ہیں جو غزہ کی پٹی میں ہمارے عوام کے مفاد میں ہے اور صیہونی امریکی جارحیت نیز فلسطینی عوام کی 64 روزہ نسل کشی کی مخالفت ہے۔
حماس کے بیان کے آخر میں کہا گیا ہے کہ ہم عرب اور اسلامی ممالک سے مطالبہ کرتے ہیں کہ وہ غزہ کے محاصرے کو شکست دینے اور نازی حملہ آوروں کے جرائم کو روکنے کے لیے اقدام کریں۔
اس سے قبل یمنی مسلح افواج نے ایک بیان میں اعلان کیا تھا کہ اگر غزہ تک خوراک اور ادویات کی امداد نہیں پہنچتی ہے تو وہ دنیا کے تمام ممالک کے بحری جہازوں کو مقبوضہ علاقوں تک جانے سے روک دے گی۔
بیان میں مزید کہا گیا ہے کہ قدس کی قابض حکومت کے جہازوں کو بحیرہ احمر اور بحیرہ عرب میں سفر کرنے سے روکنے میں کامیابی کے بعد فلسطین کے مقبوضہ علاقوں کو جانے والے بحری جہازوں کو یہاں سے گزرنے سے روکنے کا حکم جاری کیا گیا ہے۔
یمنی مسلح افواج نے اپنے بیان کے آخر میں کہا ہے کہ یمنی فوج تمام ممالک کے بحری جہازوں کی مسلسل نقل و حرکت اور تجارتی سرگرمیوں پر تاکید کرتی ہے، سوائے صیہونی حکومت سے متعلق یا مقبوضہ علاقوں کی بندرگاہوں کو جانے والے جہازوں کے ۔
مزید پڑھیں: صیہونی حکومت کے گلے پر انصار اللہ کی چھری
یمنی مسلح افواج نے اس بات پر زور دیا کہ موجودہ بیان کی اشاعت کے بعد سے تمام بحری جہازوں کو مقبوضہ فلسطینی علاقوں کی طرف جانے سے روکنے کے حکم پر عمل درآمد کیا جائے گا۔
