حزب اللہ کی سب سے زیادہ رہنمائی کرنے والے امام خمینی ہیں:نصراللہ

?️ 23 اگست 2022

سچ خبریں:لبنان کی حزب اللہ تحریک کے سربراہ سید حسن نصراللہ نے اس تحریک کے چالیس سال پورے ہونے کی مناسبت سے منعقدہ ایک پروگرام میں تقریر کرتے ہوئے کہ کہا کہ حزب اللہ کی رہنمائی کرنے والوں میں امام خمینی کا نام سر فہرست ہے۔
سید حسن نصر اللہ نے پیر کی رات حزب اللہ کے چالیسویں یوم تاسیس کی مناسبت سے جاری تقریبات کے اختتامی جلسے سے خطاب کیا، رپورٹ کے مطابق انہوں نے گزشتہ دو ماہ سے جاری یوم تاسیس کی تقریبات کو منعقد کرنے اور کامیاب بنانے والے تمام افراد کا شکریہ ادا کیا، سید حسن نصر اللہ نے کہا کہ جب ہم چالیس بہاروں کے متعلق بات کرتے ہیں تو اس بات پر توجہ رہے ہم ١۹۸۲ سے پہلے کے ساتھ اپنا رابطہ ختم نہیں کرتے بلکہ ١۹۸۲ سے پہلے والی تمام کوششوں، اقدامات اور جہادی سرگرمیوں کے ساتھ ایک گہرا اور بنیادی تعلق قائم ہے۔

انہوں نے کہا کہ ضروری ہے کہ عظیم الشان شہید سید محمد باقر الصدر کے عظیم الہام کی طرف اشارہ کیا جائے، اسی طرح امام موسی صدر کی طرف بھی اشارہ کرنا ضروری ہے کیونکہ وہ مقاومت کی تشکیل اور قیادت میں سبقت رکھتے ہیں، سید حسن نصر اللہ نے زور دے کر کہا کہ ہم تمام دنیا والوں کے سامنے اعلان کرتے ہیں کہ ہمارا جہادی راستہ اس عظیم لیڈر امام موسی صدر کے مبارک جہاد کے نتائج میں سے ایک ہے اور حزب اللہ اور امل تحریک دونوں ہی ان کے فرزند اور شاگرد ہیں جو ان کی راہ کو آگے بڑھا رہے ہیں۔

سید حسن نصر اللہ نے مزید کہا کہ ہم اپنے عظیم علما اور عالم اسلام کے علما جو آگاہی اور امر بالمعورف کے مروج تھے کا شکریہ ادا کرتے ہیں اور عظیم الہام بخش، ہادی اعظم اور اس زمانے میں انقلاب کی روح اور تحریک کے بانی حضرت امام سید روح اللہ موسوی خمینی کو یاد کرتے ہیں۔