جدہ کی دیواروں پر طاغوت مردہ باد کے نعرے

?️ 23 فروری 2022

سچ خبریں:سعودی عرب کے ولی عہد کے ہاتھوں جدہ کی بڑے پیمانے پر تباہی کے خلاف اس شہر کے باشندوں نے شہر کی دیواروں پر بن سلمان کی تصویریں کندہ کیں اوران پر ظالم وجابر مردہ باد جیسے نعرے لکھے۔
سعودی لیکس کی رپورٹ کے مطابق سعودی عرب کے شہر جدہ میں بڑے پیمانے پر مسماری کی کارروائیوں اور تباہ شدہ محلوں سے مکینوں کی جبری نقل مکانی میں اضافہ ہونے کے بعد، عوامی غصہ بڑھ رہا ہے اور اس شہر کے باشندے شہر کی دیواروں پر نعرے لکھ کر احتجاج کر رہے ہیں۔

رپورٹ کے مطابق، سوشل میڈیا پر ایسی تصاویر پوسٹ کی گئی ہیں جن میں جدہ کے لوگوں نے محلوں کو مسمار کرنے کے احکامات کے بعد شہر کی دیواروں پر سعودی ولی عہد شہزادہ محمد بن سلمان کی تصویریں بنا کر ان پر یسقط طاغیه (طاغوت کا بیڑا غرق ہو) جیسے نعرے لکھ دیے۔

رپورٹ کے مطابق جدہ اپنی تاریخ کی سب سے بڑی انہدامی کارروائی کا مشاہدہ کر رہا ہے ، مسماری کے اس عمل میں 60 سے زائد محلے شامل ہیں، اگرچہ ان میں سے بہت سے محلے نئے بسے ہیں،تاہم آل سعود انہیں کچی آبادیوں کا نام دیتے ہیں اور دعویٰ کرتے ہیں کہ ان کے رہائشی منشیات استعمال کرنے والے اور مجرم ہیں۔

رپورٹ کے مطابق اس اقدام سے بڑے پیمانے پر اندرونی نقل مکانی ہوئی ہے اور بعض خاندانوں نے پلوں کے نیچے پناہ لی ہے، سعودی حکام نے تباہ شدہ مکانات کے بدلہ میں صرف 100 ہاؤسنگ یونٹ فراہم کیے ہیں جبکہ ذرائع ابلاغ کا دعویٰ ہے کہ یہاں سے نکلنے والے سب افراد کو گھر دے دیے گئے ہیں۔