تائیوان مت جاؤ!؛ پیلوسی کو ٹرمپ کا مشورہ

?️ 30 جولائی 2022

سچ خبریں:امریکہ کے سابق صدر نے ایوان نمائندگان کی اسپیکر کے دورہ تائیوان اور چین کے ساتھ تنازعہ پیدا کرنے پر تنقید کی۔
ہل نیوز ایجنسی کی رپورٹ کے مطابق سابق امریکی صدر ڈونلڈ ٹرمپ نے نے ایوان نمائندگان کی اسپیکر نینسی پیلوسی کے طے شدہ دورہ تائیوان کو تنقید کا نشانہ بناتے ہوئے اعلان کیا کہ وہ صورتحال کو مزید خراب کریں گی ، انہیں تائیوان نہیں جانا چاہیے،۔

رپورٹ کے مطابق ٹرمپ نے اس حوالے سے کہا کہ چین کے ساتھ تنازعہ وہ آخری چیز ہے جس کے بارے میں انہیں سوچنا چاہیے،وہ (پیلوسی) حالات کو مزید خراب کریں گے، ہر وہ چیز جس کو وہ چھوتی ہیں اس میں افراتفری، بدنظمی اور گندگی پھیل جاتی ہے۔

واضح رہے کہ بیجنگ نے پیلوسی کو تائیوان کا دورہ کرنے کے  سلسلہ میں خبردار کرتے ہوئے کہا ہے کہ یہ چین کی ریڈ لائن کی خلاف ورزی ہے جس کے لیے امریکہ کو مضبوط جوابی اقدامات کا سامنا کرنا پڑے گا جبکہ چینی حکومت نے گزشتہ چند مہینوں میں تائیوان کے قریب فوجی مشقوں میں اضافہ کیا ہے۔

یاد رہے کہ اس حوالے سے وائٹ ہاؤس نے پیلوسی کے دورہ تائیوان کی حمایت نہیں کی، جو بائیڈن نے یہ بھی کہا ہے کہ امریکی فوج کے خیال میں اس تائیوان کے دورے کے لیے اچھا وقت نہیں ہےماگرچہ بائیڈن نے پیلوسی کے سفر کو روکنے کے لیے کوئی اہم اقدام نہیں کیا۔