بن سلمان کے نیوم منصوبے کی ناکامی؛ مغربی میڈیا کی نظر میں

?️ 13 فروری 2023

سچ خبریں:مغربی میڈیا نے سعودی ولی عہد محمد بن سلمان کے خیالی منصوبے نیوم پروجیکٹ کی ناکامی کے سلسلہ میں ایک رپورٹ شائع کی ہے

The Inspire Discipline Network نے اپنی ایک رپورٹ جسے کئی عرب میڈیا نے شائع کیا ہے، میں لکھا ہے کہ سعودی عرب کو نیوم پراجیکٹ کو جاری رکھنے کے لیے ایک بڑے چیلنج کا سامنا ہے کیونکہ اس منصوبے کا سب سے بڑا مسئلہ اس علاقے میں پانی کی کمی ہے جس کی وجہ سے اس منصوبے کو مکمل کرنا نا ممکن ہے اور اس سلسلہ میں بن سلمان کے اہداف کو حاصل کرنے کے امکان پر سوالیہ نشان لگ جاتا ہے۔

اس رپورٹ کے مطابق محمد بن سلمان کا منصوبہ خالص پاگل پن کے سوا کچھ نہیں ، اس حقیقت کے باوجود کہ بہت سے لوگ اس کے بیرونی ڈھانچے کی شکل سے حیران ہیں لیکن اس کے اندر میں بہت سے مسائل ہیں،رپورٹ میں کہا گیا ہے کہ اگرچہ سعودی عرب قابل تجدید توانائی کو استعمال کرنے اور خوراک کی فراہمی میں مکمل خود کفالت حاصل کرنے کی کوشش کررہا ہےلیکن وہ اس مقام کے قریب بھی نہیں پہنچا ہے ، اس کے بجائے دنیا کے 157 ممالک سے اس میں خوراک کی درآمد کا سلسلہ جاری ہے۔

اس رپورٹ کے ایک اور حصے میں سوال کیا گیا ہے کہ ایسے اعداد و شمار کی روشنی میں سعودی عرب اپنے مستقبل کے شہر نیوم میں کس طرح خود کفالت کا خواہاں ہے؟واضح رہے کہ نیوم، جسے سعودی عرب کے 2030 کے تناظر میں بنایا جا رہا ہے، خود کو ترقی پسند بتانے کے لیے محمد بن سلمان کا ایک اہم خیال ہے۔