ایران کے ہاتھوں یونانی ٹینکرز کا پکڑے جانے پر امریکی ردعمل

?️ 30 مئی 2022

سچ خبریں:امریکی بحریہ نے کہا کہ وہ خلیج فارس میں دو یونانی ٹینکروں کو پکڑے جانے کے بارے میں سامنے آنے والی رپورٹس کی تحقیقات کر رہی ہے۔
ایسوسی ایٹڈ پریس کی رپورٹ کے مطابق امریکی بحریہ نے اعلان کیا ہے کہ وہ ان رپورٹس کی تحقیقات کر رہی ہے جن سے پتا چلا ہے کہ ایران نے دو یونانی ٹینکرز کو قبضے میں لے لیا ہے، خبری ذرائع نے اطلاع دی کہ ایران نے خلیج فارس کے پانیوں میں یونانی ملکیت کے دو ٹینکرز کو قبضے میں لے لیا اور ان کے جھنڈے نیچے کر دیے۔

خلیج فارس میں پکڑے گئے دو یونانی ٹینکر پروڈنٹ واریر اور ڈیلٹا پوسیڈن ہیں،خلیج فارس میں پکڑے گئے دونوں بحری جہازوں میں سے ایک عسلویہ ساحل کے قریب اور دوسرا ہندرابی جزیرے کے قریب بندر لینگے کے قریب پکڑا گیا،سپاہ پاسداران انقلاب اسلامی کے شعبہ تعلقات عامہ نے ایک بیان میں اعلان کیا کہ IRGC بحریہ نے خلیج فارس کے آبی پانیوں میں خلاف ورزیوں کی وجہ سے یونان کے دو آئل ٹینکرز کو قبضے میں لے لیا۔

واضح رہے کہ ایرانی اقدام تہران میں یونانی سفیر کو وزارت خارجہ میں طلب کرکے بحری قزاقی سے باز رہنے کے لیے کہا گیا تھا، یاد رہے کہ یونان نے گزشتہ ماہ ایرانی پرچم والا ایک جہاز پکڑا تھا،خبر رساں ادارے روئٹرز نے دعویٰ کیا کہ یونان نے یہ تیل امریکہ کو پہنچایا تھا۔