ایران نے کئی محاذوں پر ہمارے خلاف جنگ چھیڑ رکھی ہے: صیہونی وزیر جنگ

?️ 17 اپریل 2023

سچ خبریں:ایران کی علاقائی طاقت سے پریشان صیہونی حکومت کے وزیر جنگ یوف گیلنٹ نے کہا ہے کہ تہران نے کئی محاذوں پر اسرائیل کے خلاف جنگ چھیڑ رکھی ہے۔

صیہونی حکومت کے وزیر جنگ نے اسلامی جمہوریہ کی علاقائی طاقت کا حوالہ دیتے ہوئے کہا کہ ایران نے کئی محاذوں پر اسرائیل کے خلاف جنگ چھیڑ رکھی ہے،صیہونی حکومت کے وزیر جنگ یوف گیلنٹ نے جو ایران کی علاقائی طاقت سے پریشان ہے، کہا ہے کہ تہران نے کئی محاذوں پر اسرائیل کے خلاف جنگ کا آغاز کیا ہے۔

گیلنٹ نے اتوار کے روز مزید کہا کہ صہیونی فوج نے تمام مناظر میں اپنی سرحدوں کے اندر، سرحدوں کے پار یہاں تک کہ سرحدوں سے دور بھی خفیہ اور ظاہری کاروائیاں کی ہیں جو اس کے بعد بھی جاری رہیں گی، اپنے بیان کے ایک اور حصے میں انہوں نے کہا کہ ایران شمالی محاذ میں خود کو مضبوط کرنے کی کوششیں جاری رکھے ہوئے ہے۔

دریں اثنا یروشلم انسٹی ٹیوٹ فار اسٹریٹیجک اسٹڈیز نے اتوار کے روز اپنی ایک رپورٹ میں صیہونی حکومت کے وزیر اعظم بنیامین نیتن یاہو کی عدالتی اصلاحات کا حوالہ دیتے ہوئے لکھا کہ اسرائیل کو باہر سے ایک بکھرے ہوئے معاشرے کے طور پر دیکھا جاتا ہے جو آہستہ آہستہ کام کرنے کی صلاحیت کھو رہا ہے۔

یاد رہے کہ یہ پہلی بار نہیں ہے کہ صیہونی عہدیداروں نے اپنی ناکامیاں اور نااہلیاں چھپانے کے لیے ایران پر الزامات کی بوچھار کی ہے، انہیں جب اپنی کامیوں پر پردہ ڈالنے کے لیے کچھ نہیں ملتا تو یہ ایسے ہی ہتھکنڈے اپناتے ہیں۔