ایران فلسطین کا واحد بڑا حامی

?️ 27 مارچ 2022

سچ خبریں:  اسلامی جہاد تحریک کے سیکرٹری جنرل زیاد النخالہ نے اسلامی جمہوریہ ایران تعریف کرتے ہوئے کہا کہ ایران فلسطینی عوام کا واحد بڑا حامی ہے ایران واحد ملک ہے جس پر صرف فلسطین کی حمایت کے لیے دباؤ ڈالا گیا ہے۔

اس رپورٹ کے مطابق اسلامی جہاد تحریک کے سکریٹری جنرل نے یاد دہانی کرائی: اسلامی جمہوریہ ایران نے تمام مراحل میں ثابت کیا ہے کہ وہ فلسطینی عوام کا دوست اور حامی ہے۔ ایران نے ہمیشہ فلسطینی عوام کی حمایت کی ہے۔

انہوں نے اپنی تقریر کو جاری رکھتے ہوئے صیہونیوں کے خلاف مقبوضہ علاقوں میں انفرادی مزاحمتی کارروائیوں کا حوالہ دیا اور کہا کہ ہم انفرادی مزاحمتی کارروائیوں کی حمایت کرتے ہیں کیونکہ ہم انہیں فلسطینی عوام کی مزاحمت کا ایک مظہر سمجھتے ہیں۔

فلسطینی مزاحمتی تنظیم کے اعلیٰ عہدیدار نے صیہونی حکومت کے ساتھ تعلقات کو معمول پر لانے کے سلسلے میں بعض عرب ممالک کے اقدامات کا بھی حوالہ دیتے ہوئے کہا کہ صیہونیوں کے ساتھ تعلقات کا معمول پر آنا صیہونی منصوبے کے سامنے عرب حکومتوں کے خاتمے کی طرف اشارہ کرتا ہے۔