امریکہ کسی خاتون کو صدر منتخب کرنے کے لیے تیار نہیں:میشل اوباما

?️ 16 نومبر 2025

امریکہ کسی خاتون کو صدر منتخب کرنے کے لیے تیار نہیں:میشل اوباما

سابق امریکی صدر باراک اوباما کی اہلیہ میشل اوباما نے کہا ہے کہ امریکہ ابھی بھی خواتین کو صدارت کے عہدے کے لیے مکمل طور پر قبول کرنے کے لیے تیار نہیں ہے اور اسی لیے وہ خود کبھی صدارتی انتخاب میں حصہ لینے کی سوچ نہیں رکھتیں۔

امریکی روزنامے یو ایس اے ٹوڈے کے مطابق میشل اوباما نے کہا کہ جیسا کہ پچھلے انتخابات میں دیکھا گیا، ملک اس وقت اس حد تک تیار نہیں ہے کہ ایک خاتون صدر بن سکے۔ انہوں نے مزید کہا کہ یہی وجہ ہے کہ وہ خود صدارتی انتخاب میں نامزدگی کا ارادہ نہیں رکھتیں اور وقت ضائع کرنے کی ضرورت نہیں۔

میشل اوباما نے کہا کہ ابھی بہت کچھ کرنا باقی ہے تاکہ معاشرتی سوچ میں تبدیلی آئے، کیونکہ کئی مرد اب بھی محسوس کرتے ہیں کہ خواتین ان کی قیادت نہیں کر سکتیں۔ ان کا کہنا تھا کہ اس میدان میں ابھی کافی کام باقی ہے۔

یاد رہے کہ ۲۰۲۴ میں جب ڈیموکریٹس نے صدر جو بائیڈن کو دوبارہ نامزد ہونے سے روکنے کی کوشش کی، تو ایک سروے میں یہ ظاہر ہوا کہ صرف میشل اوباما ہی ڈونالڈ ٹرمپ کے مقابلے میں کامیاب ہو سکتی ہیں۔

ماضی میں ہیلری کلنٹن اور کامالا ہیرس کو ڈیموکریٹس کی جانب سے صدارتی انتخاب میں نامزد کیا گیا تھا، مگر دونوں ڈونالڈ ٹرمپ کے ہاتھوں شکست کھا گئی تھیں۔