امریکہ کا شمالی کوریا پر عائد پابندیوں کی خلاف ورزی کے بہانے سنگاپور کے ٹینکر پر قبضہ

?️ 31 جولائی 2021

سچ خبریں:امریکی محکمہ انصاف نے شمالی کوریا کے خلاف بین الاقوامی پابندیوں کی خلاف ورزی کے بہانے سنگاپور کے شہری کے 2 ہزار ٹن کے ٹینکر کو ضبط کرنے کا اعلان کیا ہے۔
امریکی محکمہ انصاف نے جمعہ کے روز ایک بیان میں کہا کہ اس نے بین الاقوامی پابندیوں کی خلاف ورزی اور شمالی کوریا کو تیل کی ترسیل پہنچانے والا 2734 ٹن وزنی ٹینکر قبضے میں لے لیا ہے، امریکی محکمہ انصاف کے مطابق ایک سنگاپور کے شہری کا یہ ٹینکرجو مارچ 2020 میں امریکی حکم کے تحت کمبوڈین حکام کے قبضے میں لیا گیا ہے شمالی کوریا کے بحری جہازوں تک پٹرولیم مصنوعات کی نقل و حمل اور کارگو کو براہ راست نمپو بندرگاہ پر پہنچانے کے لیے استعمال کیا جاتا تھا۔

امریکی وزارت انصاف نے اپنے بیان میں کہا کہ اس ٹینکر کے مالک اور آپریٹر کے خلاف ڈیموکریٹک پیپلز ریپبلک کوریا [شمالی کوریا] کے خلاف اقتصادی پابندیوں کو بے اثر کرنے کی سازش اور منی لانڈرننگ جیسے الزامات زیر غور ہیں۔

اس بیان میں قابل غور نکتہ یہ ہے کہ امریکی محکمہ انصاف نے اس ٹینکر پر قبضے کے ڈیڑھ سال بعد اپنی خاموشی کو کیوں توڑا اور یہ الزامات لگائےہیں! قابل ذکر ہے کہ اقوام متحدہ اور عالمی برادری نے شمالی کوریا کی حکومت پر جوہری اور بیلسٹک میزائل پروگراموں کو آگے بڑھانے کے بہانے پابندیاں عائد کی ہیں اور یہ پابندیاں اس ملک میں تیل اور دیگر اشیاء کی درآمد کو محدود کرتی ہیں۔