امریکہ میں دوہری شہریت پر نئی پابندیوں کی بحث،ملانیا ٹرمپ بھی زد میں

?️ 4 دسمبر 2025

امریکہ میں دوہری شہریت پر نئی پابندیوں کی بحث،ملانیا ٹرمپ بھی زد میں

امریکہ میں ایک نئے قانون سازی کے اقدام نے دوہری شہریت رکھنے والے لاکھوں افراد کو تشویش میں مبتلا کر دیا ہے۔ یہ تجویز، جو ریپبلکن سینیٹر برنی مورینو نے پیش کی ہے، امریکی شہریوں کے لیے دوہری شہریت پر مکمل پابندی عائد کرنے کی کوشش کرتی ہے۔ اگر یہ قانون منظور ہو جاتا ہے تو اس کا اثر عام امریکیوں کے ساتھ ساتھ کئی مشہور شخصیات، حتیٰ کہ خود صدر ڈونلڈ ٹرمپ کی اہلیہ ملانیا ٹرمپ اور بیٹے بیرون تک پہنچ سکتا ہے، جو امریکی اور اسٹونین شہریت رکھتے ہیں۔

اس مجوزہ قانون، جسے ایکسکلوسِو سٹیزن شپ ایکٹ 2025 کہا جا رہا ہے، میں واضح طور پر کہا گیا ہے کہ ایک فرد یکساں طور پر امریکی اور کسی دوسرے ملک کا شہری نہیں رہ سکتا۔ قانون کے مطابق جن امریکیوں کے پاس دوہری شہریت ہے، انہیں منظوری کے ایک سال کے اندر یا تو اپنی غیر ملکی شہریت ترک کرنا ہوگی یا امریکی شہریت سے دستبردار ہونا پڑے گا۔ اگر کوئی فرد ایسا نہ کرے تو اسے امریکی شہریت چھوڑنے کے مترادف سمجھا جائے گا۔

اس قانون کا دائرہ کار وسیع ہے اور ماہرین کے مطابق اس سے چند لاکھ سے لے کر چند ملین افراد تک متاثر ہوسکتے ہیں۔ تاہم یہ تجویز آئینی اور قانونی لحاظ سے چیلنجز سے خالی نہیں۔ امریکی آئین کی چودھویں ترمیم شہریوں کو ان کی شہریت سے محروم کرنے کی اجازت نہیں دیتی جب تک کہ وہ اسے اپنی مرضی سے ترک نہ کریں۔ اس لیے قانون سازی کے بعد عدالتوں میں اس کے خلاف شدید قانونی رکاوٹوں کا سامنا ہوسکتا ہے۔

یہ پیش رفت ایسے وقت میں ہوئی ہے جب ٹرمپ انتظامیہ امیگریشن اور شہریت کے قوانین میں وسیع تبدیلیوں پر غور کر رہی ہے، جن میں پناہ گزینوں کی تعداد میں کمی اور شہریت برائے پیدائش سے متعلق قوانین میں تبدیلیاں بھی شامل ہیں۔ ان اقدامات پر پہلے ہی انسانی حقوق کی تنظیمیں اعتراض اٹھا چکی ہیں۔

اس لائحے کے ممکنہ اثرات کی فہرست میں کئی معروف شخصیات شامل ہیں جو امریکہ، کینیڈا اور جنوبی افریقہ کی شہریت رکھتے ہیں۔

یہ لایحہ اگر منظور ہو گیا تو یہ امریکہ میں شہریت کے معنی اور ریاست کے ساتھ وفاداری کے تصور کو نئی سمت دینے کا سب سے بڑا اقدام ثابت ہوسکتا ہے۔