الحشد الشعبی کی ایک او رشاندار کامیابی

?️ 8 مارچ 2021

سچ خبریں:عراقی عوامی تنظیم الحشد الشعبی نے صوبہ صلاح الدین کے شہر سامرا کے جنوب میں داعش کے ایک حملے کو ناکام بنا دیا۔
سومریہ نیوز ایجنسی کی رپورٹ کے مطابق ، عراق کی عوامی تحریک الحشد الشعبی نے اس ملک کے صوبہ صلاح الدین کے شہر سامرا میں داعش کے دہشت گرد عناصر کے ایک اور حملے کو ناکام بنانے میں کامیابی حاصل کی، رپورٹ کے مطابق ، انسداد دہشت گردی کے تازہ ترین آپریشن میں الحشد الشعبی وسطی عراق کے صوبہ صلاح الدین میں داعش عناصر کے حملے کو پسپا کرنے میں کامیاب ہوگئیں۔

واضح رہے کہ داعشی عناصر صوبہ صلاح الدین میں واقع جنوبی شہر سامرا میں داخل ہونے کی کوشش کر رہے تھے جب الحشد الشعبی کی فورسز نے چوکسی برتتے ہوئے بروقت کاروائی کی جس کے بعد اس علاقے میں دونوں فریقوں کے مابین شدید جھڑپیں ہوئیں اور آخر کار عوامی متحرک فورس نے جنگ جیت لی۔

یادرہے کہ گذشتہ روز بھی ان فورسز نے اپنی تازہ کاروائی میں بابل کے شمال میں واقع جرف الصخر علاقہ میں داعش کے ٹھکانوں کو نشانہ بنایا، رپورٹ کے مطابق ، الحشد الشعبی کی فورسز اس علاقہ میں آپریشن کے دوران داعش سے وابستہ متعدد سرنگوں کو دریافت اور تباہ کرنے میں کامیاب ہوگئیں،عراقی سکیورٹی عہدیداروں نے بتایا کہ یہ کاروائی جورف الصخر کے علاقے العویسات میں ہوئی۔