افغانی طالبان کے الٹے دن

?️ 4 اپریل 2021

سچ خبریں:افغان وزارت دفاع نے اتوار کے روز اعلان کیا ہے کہ قندھار میں طالبان کے خلاف کیے جانے والے آپریشن میں 75 طالبان ارکان ہلاک ہوگئے ہیں۔
خامہ پریس کی رپورٹ کے مطابق افغان وزارت دفاع نے اعلان کیا ہے کہ اس ملک کی فضائیہ کی شراکت کے ساتھ انھوں نے صوبہ قندھار کے ارغنداب اور پنجوی علاقوں میں کلیئرنس کاروائیاں کیں جس کے نتیجے میں 75 طالبان ارکان ہلاک ہوگئے، اس کاروائی میں بارہ طالبان ارکان بھی زخمی ہوئے۔

رپورٹ کے مطابق آپریشن کے دوران متعدد گاڑیاں اور کچھ ہتھیار بھی برآمد ہوئے، افغانستان کی وزارت دفاع نے بتایا ہے کہ طالبان ان ہتھیاروں کو افغان شہریوں اور عوامی مقامات کو نشانہ بنانے کے لئے استعمال کرنا چاہتے تھے،تاہم قندھار میں افغان فوج کے کلیئرنگ آپریشن پر ابھی تک طالبان نے کوئی رد عمل ظاہر نہیں کیا ہے۔