افغانستان اہم موڑ پر ہے، مزید تعامل کی ضرورت ہے: اقوام متحدہ

?️ 5 مارچ 2022

سچ خبریں:افغانستان کے امور میں اقوام متحدہ کے سکریٹری جنرل کے خصوصی نمائندےنے کہا ہے کہ اس وقت افغانستان ایک ناقابل واپسی موڑ پر ہے اور اب وقت آگیا ہے کہ ممالک نئی افغان حکومت کے ساتھ مزید تعامل سے کام کریں۔
افغانستان کے لیے اقوام متحدہ کے سکریٹری جنرل کی خصوصی نمائندہ ڈیبورا لائنز نے کہا کہ طالبان کے چھ ماہ کے اقتدار کے بعد افغانستان اب ایک ناقابل واپسی موڑ پر پہنچ چکاہے لہذا دیگر ممالک کو کابل کی نئی حکومت کے ساتھ اپنے تعامل کو بڑھانا چاہیے۔

انہوں نے مزید کہا کہ چھ ماہ کی غیر یقینی صورتحال نے اس ملک کے اہم سماجی اور اقتصادی نظام کو تباہ کر دیا ہے اور یہاں کی آبادی کو زیادہ غیر یقینی صورتحال کی طرف لے گئی ہے، ا لائنز نے یہ بھی کہا کہ موسم سرما کے اختتام کے ساتھ اس ملک میں شاید بدترین خدشات، جیسے بڑے پیمانے پر قحط اور بھوک مری کو روکا جا سکتا ہے ۔

اقوام متحدہ کی ایلچی نے کہا کہ انسانی ہمدردی کی تنظیمیں افغانستان کے 401 شہروں میں سے 397 میں 20 ملین لوگوں کی مدد کرنے میں کامیاب رہی ہیں، جو دو دہائیوں سے زیادہ عرصے میں اس سطح پر پہلی انسانی کوریج ہے،انھوں نے کہا کہ آئیے حقیقت پسند بنیں، ہم نے جو کچھ کیا ہے وہ تھوڑا وقت حاصل کرنے کے علاوہ کچھ نہیں۔