اسلام آباد اور ریاض کا دفاعی معاہدہ تل ابیب کے لیے بڑا دھچکا

اسلام آباد اور ریاض کا دفاعی معاہدہ تل ابیب کے لیے بڑا دھچکا

معروف عرب تجزیہ نگار عبدالباری عطوان نے پاکستان اور سعودی عرب کے درمیان ہونے والے دفاعی معاہدے کو خطے میں ایک تاریخی پیش رفت قرار دیتے ہوئے کہا ہے کہ یہ معاہدہ صہیونی رژیم کے لیے ایک بڑے جھٹکے کے مترادف ہے۔

عطوان نے روزنامہ رای الیوم میں لکھا کہ سعودی ولی عہد محمد بن سلمان اور پاکستانی وزیر اعظم محمد شہباز شریف کے دستخط کردہ یہ دفاعی معاہدہ ایک بے مثال فوجی و سیاسی اقدام ہے۔ ان کے مطابق یہ معاہدہ پیغام دیتا ہے کہ اسلامی دنیا نہ تو کمزور ہے اور نہ ہی ہتھیاروں سے خالی۔

انہوں نے کہا کہ یہ دفاعی اتحاد مستقبل میں ایک اسلامی نیٹو کی بنیاد بن سکتا ہے، خاص طور پر ایسے وقت میں جب دنیا بڑی تبدیلیوں کی دہلیز پر کھڑی ہے اور امریکہ اپنی سیاسی، اقتصادی اور عسکری طاقت میں زوال کا شکار ہے جبکہ چین عالمی قیادت سنبھالنے کے قریب ہے۔

عطوان نے معاہدے کی تیزی سے تکمیل کی چند بڑی وجوہات بیان کیں اسرائیل کا حالیہ حملہ قطر پر، جو امریکی حمایت اور سابق صدر ڈونلڈ ٹرمپ کی ہری جھنڈی کے ساتھ ہوا۔

امریکہ پر اسرائیل کی مکمل گرفت، جو غزہ میں قتل عام اور محاصرہ کی کھلی حمایت سے عیاں ہے۔بھارت اور چین کے بڑھتے ہوئے تعلقات، جس کے باعث پاکستان نے اسلامی بلاک میں اپنی پوزیشن مضبوط کرنے کی کوشش کی۔

عطوان کے مطابق یہ نیا دفاعی ڈھانچہ پاکستان کی اعلیٰ جوہری صلاحیت کو سعودی عرب کی فوجی و اقتصادی طاقت کے ساتھ جوڑتا ہے، جو خطے میں طاقت کا توازن بدلنے کی صلاحیت رکھتا ہے۔انہوں نے زور دے کر کہا کہ اس معاہدے نے یقیناً اسرائیل کو شدید طور پر حیران اور پریشان کر دیا ہے۔

عطوان نے امید ظاہر کی کہ یہ معاہدہ اسلامی دنیا کے وسیع اتحاد کا نقطہ آغاز ثابت ہوگا، جس میں ایران بھی شامل ہو۔ انہوں نے ایران اور سعودی عرب کے درمیان حالیہ گرمجوش تعلقات، بالخصوص ایرانی عہدیدار علی لاریجانی کے دورۂ ریاض کو خطے میں وسیع تر تعاون کا مثبت اشارہ قرار دیا۔یہ دفاعی معاہدہ نہ صرف خطے میں طاقت کے توازن کو متاثر کر سکتا ہے بلکہ صہیونی منصوبوں کے لیے ایک سنجیدہ چیلنج بھی بن سکتا ہے۔