اسلامی نظام کو کمزور کرنے والے ہر اقدام کا دندان شکن جواب دیا جائے گا:ایران

?️ 26 ستمبر 2022

سچ خبریں:اسلامی جمہوریہ ایران کی وزارت خارجہ کے ترجمان نے امریکہ کی جانب سے عائد کی جانے والی جارحانہ پابندیوں پر رد عمل کا اظہار کرتے ہوئے کہا کہ امریکہ ان اقدامات سے اپنے ناپاک عزائم کو عملی جامہ پہنانے کی کوشش کر رہا ہے تاہم اسے ہمیشہ کی طرح ناکامی کا منھ دیکھنا پڑے گا۔

اسلامی جمہوریہ ایران کی وزارت خارجہ کے ترجمان ناصر کنعانی نے اپنے ٹویٹ میں امریکہ کی جانب سے عائد کی جانے والی جارحانہ پابندیوں پر سخت رد عمل کا اظہار کرتے ہوئے کہا ہے کہ اسلامی نظام کو کمزور کرنے والے ہر اقدام کا دندان شکن جواب دیا جائیگا۔

انہوں نے کہا کہ امریکہ غیر قانونی پابندیوں کے ذریعے ایران کو کمزور کرنے اور امن و امان کی صورتحال کو خراب کرنے کی کوشش کر رہا ہے تاہم اسے اس میں ابھی تک ناکامی کا منہ دیکھنا پڑا ہے،ایران کی وزارت خارجہ کے ترجمان نے کہا کہ امریکہ زیادہ سے زیادہ پابندیاں عائد کرنے کے اپنے منافقانہ رویے سے ایران کے خلاف اپنے ناپاک مقاصد کو عملی جامہ پہنانے کی ناکام کوشش کر رہا ہے، تاہم اسے ہمیشہ کی طرح ناکامی کا منھ دیکھنا پڑے گا۔

واضح رہے کہ سابق امریکی صدر ڈونلڈ ٹرمپ نے کہا تھا کہ میں ایران پر اس قدر پابندیاں عائد کروں گا ایران ایک وقت کی روٹی کے محتاج ہو جائیں گے اور ہمارے سامنے گھٹنے ٹیکنے پر مجبور ہو جائیں گے تاہم دنیا نے دیکھا کہ ٹرمپ خود تو چلے گئے لیکن ایران میں ایسا کچھ نہیں ہوا۔