اسرائیل کے ساتھ گیس معاہدے کا سیاسی معاملات سے کوئی تعلق نہیں: مصر

سچ خبریں: مصر کے وزیر خارجہ بدر عبدالعاطی نے قریبی مستقبل میں صدر عبدالفتاح السیسی کی غیر ملکی دورے کی اطلاعات کے تناظر میں واضح کیا ہے کہ موجودہ میلادی سال کے اختتام تک صدر السیسی کے کسی غیر ملکی دورے کا کوئی منصوبہ نہیں ہے۔

واضح رہے کہ یہ بیان اس وقت سامنے آیا جب امریکا کے وزیر اعظم بنجمن نیتن یاہو کے امریکا کے ممکنہ دورے کی اطلاعات گردش کر رہی ہیں۔

وزیر خارجہ نے اعلان کیا کہ اگلے سال صدر السیسی اور امریکی صدر ڈونلڈ ٹرمپ کے درمیان ان کے اسٹریٹجک تعلقات کے دائرے میں دو طرفہ ملاقاتیں ہوں گی۔

عبدالعاطی نے زور دے کر کہا کہ مصر اور اسرائیل کے درمیان ہونے والے گیس معاہدے کو سیاسی مواقف سے جوڑنا ناقابل قبول ہے۔ ان کا کہنا تھا کہ یہ معاہدہ محض ایک تجارتی و اقتصادی معاہدہ ہے جو مصری، امریکی اور اسرائیلی کمپنیوں کے درمیان ہوا ہے۔

انہوں نے واضح کیا کہ سیاسی امور کا اس معاہدے سے کوئی تعلق نہیں ہے اور اس معاہدے کو مصر کے داخلی معاملات کو متاثر کرنے کے لیے بطور لیور استعمال نہیں کیا جانا چاہیے۔

یاد رہے کہ مصر اور صہیونی ریاست کے درمیان ہونے والے اس بڑے گیس معاہدے نے غزہ کی پٹی میں جاری خونریز نسل کشی کے پس منظر میں کافی تنقید اور احتجاج کو جنم دیا ہے۔