اردن کا امریکہ اور یورپ کو مسجد الاقصی کے بارے میں پیغام

?️ 5 اکتوبر 2023

سچ خبریں: اردن کی وزارت خارجہ نے امریکہ اور متعدد یورپی ممالک کے نام ایک پیغام میں مقبوضہ بیت المقدس کی صورتحال کو مزید بگڑنے سے روکنے کے لیے فوری بین الاقوامی اقدامات کی ضرورت پر زور دیا۔

مسجد الاقصی کے خلاف صہیونیوں کی جارحیت میں اضافے کے بعد اردن کی وزارت خارجہ نے امریکہ اور کئی یورپی ممالک کے نام ایک پیغام میں مسجد الاقصی خلاف صیہونی جارحیت کو روکنے کے لیے فوری بین الاقوامی کارروائی کا مطالبہ کیا۔

یہ بھی پڑھیں: مسجد الاقصی کے خلاف صیہونی جارحیت پر عرب لیگ کا ردعمل

بدھ (کل) اردن کی وزارت خارجہ نے امان میں صیہونی سفارت خانے کو ایک سرکاری نوٹ پیش کیا جس میں صیہونیوں اور اس حکومت کی پارلیمنٹ کے ارکان کے غیر قانونی طور پر مسجد اقصیٰ میں داخلے کے خلاف احتجاج کیا گیا۔

رائے الیوم اخبار نے اردن کے ایک سرکاری ذریعے کا حوالہ دیتے ہوئے لکھا ہے کہ امریکہ اور یورپ کو بھیجے گئے اس ملک کے پیغامات میں کہا گیا ہے کہ صیہونیوں کے اشتعال انگیز اقدامات میں غیر معمولی اضافہ ہوا ہے جن کے سامنے خاموش رہنا ممکن نہیں ہے لہذاان کے خلاف فوری طور پر کاروائی ہونا چاہیے۔

مزید پڑھیں: صیہونیوں کا مسجد الاقصی کے خلاف جارحیت کا منصوبہ؛مقابلے کی اپیل

اردن کی وزارت خارجہ نے اس بات پر زور دیا کہ امان یہودی عیدوں کے بہانے مسجد اقصیٰ میں جو کچھ ہو رہا ہے یہ ملک اس پر خاموش نہیں رہ سکتا اور وہ مزید سخت سفارتی اقدامات اٹھا سکتا ہے۔

اس رپورٹ کے مطابق اردن نے اسرائیلی سفیر کو امان چھوڑنے کا حکام دینے اور اپنا سفیر تل ابیب سے بلائے جانے کے امکان کی طرف اشارہ دیا ہے۔