زارانور عباس کو بھی نور مقدم کیس کے فیصلے کا انتظار ہے

?️ 29 ستمبر 2021

کراچی (سچ خبریں) پاکستان ڈرامہ انڈسٹری کی معروف اداکارہ زارا نور عباس کو بھی نور مقدم کیس کے فیصلے کا انتظارہے انہوں  نے کہا ہے کہ مجھے ابھی تک نور مقدم کیس کے فیصلے کا انتظار ہے اور کیس میں تاخیر پریشان کن ہے اگر ایسا آپ کے ساتھ ہو اس وقت آپ کیا کریں گے؟

سماجی رابطے کی ویب سائٹ ٹوئٹر پر جاری کیے گئے پیغام میں زارا نور عباس نے کہا کہ ’نور مقدم کیس میں تاخیر پریشان کُن ہے۔زارا نور عباس نے کہا کہ ’ذرا تصور کریں، اگر یہ کل آپ کے ساتھ ہو، آپ کے بوڑھے والدین کو مہینوں تک اس طرح عدالت میں گھسیٹا جائے، تو اُس وقت آپ کیا کریں گے؟‘

واضح رہے کہ 20 جولائی کو تھانہ کوہسار کی حدود ایف سیون فور میں 27 سالہ لڑکی نور مقدم کو تیز دھار آلے سے قتل کیا گیا تھا۔نور مقدم کے قتل کا مقدمہ والد کی مدعیت میں تھانہ کوہسار میں درج ہے۔

مقدمے میں سابق پاکستانی سفیر شوکت علی نے بتایا کہ ان کی بیٹی نور مقدم جس کی عمر 27 سال ہے، اس کو ملزم ظاہر نے تیز دھار آلے سے قتل کیا۔ پولیس کے مطابق مقتولہ کے جسم پر تشدد کے نشانات پائے گئے جب کہ سر دھڑ سے الگ تھا۔