حرا مانی کا  آریان کی رہائی پر خوشی کا ظہار

?️ 31 اکتوبر 2021

کراچی (سچ خبریں)پاکستان شوبز انڈسٹری کی معروف اداکارہ حرا مانی نے بھی بالی ووڈ کنگ شاہ رخ خان کے بیٹے آریان خان کی جیل سے رہائی پر خوشی کا اظہار کرتے ہوئے اپنے جذبات کا اظہار کیا ہے۔ زور دارتالیاں کیونکہ بادشاہ گھر آگیا ہے، ہم تو شاہ رخ خان کے مداح ہیں اور مرتے دم تک ان کے مداح رہیں گے۔

حرا مانی نے سوشل میڈیا سائٹ انسٹاگرام پر آریان خان کے لیے اسٹوری شیئر کی جس میں اُنہوں نے اپنے جذبات کا اظہار کیا ہے۔اداکارہ نے اپنی انسٹا اسٹوری میں کہا کہ ’زور دار تالیاں کیونکہ بادشاہ باہر آگیا ہے۔‘اُنہوں نے کہا کہ ’شاہ ہمیشہ سے ہی خانز کے لیے رُخ رہے ہیں۔‘حرا مانی نے مزید کہا کہ ’بھئی! ہم تو شاہ رخ خان کے مداح ہیں اور مرتے دم تک رہیں گے۔‘

واضح رہے کہ ممبئی کروز شِپ منشیات کیس میں گرفتار بالی ووڈ کنگ شاہ رخ خان کے بیٹے آریان خان کو گزشتہ روز ممبئی کی آرتھر روز جیل سے ضمانت پر رہا کیا گیا، منّت پہنچنے پر شاہ رخ خان کے مداحوں نے ڈھول کی تھاپ میں آریان خان کا استقبال کیا۔

رواں ماہ 2 اکتوبر کو نارکوٹکس کنٹرول بیورو (این سی بی) کی جانب ممبئی کروز شِپ پر چھاپہ مارا گیا جہاں بالی ووڈ کنگ شاہ رخ خان کے بڑے بیٹے آریان خان کو اُن کے دوستوں سمیت منشیات استعمال کرنے کے الزام میں حراست لیا گیا تھا۔