?️
اسلام آباد: (سچ خبریں) نازیبا ویڈیوز لیک ہونے کے بعد شوبز چھوڑ کر دینی پروگرامات کرنے والی ماضی کی مقبول گلوکارہ رابی پیرزادہ نے انکشاف کیا ہے کہ لیک ہونے والی ویڈیوز انہوں نے خود شوٹ کی تھیں اور اپنے لیے ہی شوٹ کی تھیں۔
رابی پیرزادہ کی نازیبا ویڈیوز نومبر 2019 میں لیک ہوئی تھیں، جس کے بعد انہوں نے اس وقت وفاقی تحقیقاتی ادارے (ایف آئی اے) سے بھی رجوع کیا تھا۔
ویڈیوز لیک ہونے کے بعد انہوں نے اس وقت ایک انٹرویو میں بتایا تھا کہ ’لیک ہونے والی ذاتی ویڈیوز اور تصاویر ان کے فون میں موجود تھیں لیکن انہوں نے کچھ عرصہ قبل ہی اپنا فون فروخت کیا تھا‘۔
انہوں نے یہ بھی کہا تھا کہ جہاں انہوں نے اپنا اسمارٹ فون فروخت کیا تھا ان کے خلاف بھی انہوں نے کارروائی کی درخواست دے دی۔
ممکنہ طور پر گلوکارہ کے فروخت شدہ فون میں موجود ڈیلیٹ کیا گیا مواد ریکور کرنے کے بعد لیک کردیا گیا تھا۔
تاہم اس وقت یہ قیاس آرائیاں بھی کی گئی تھیں کہ ممکنہ طور پر گلوکارہ کی ویڈیوز ان کے کسی بوائے فرینڈ نے لیک کی ہوں گی۔
مذکورہ ویڈیوز کے لیک ہونے کے بعد انہوں نے شوبز سے کنارہ کشی اختیار کرکے اسلامی تعلیمات کے مطابق زندگی گزارنا شروع کی تھی اور انہوں نے نعت خوانی کرنے سمیت اسلامی پینٹنگز بنانا شروع کی تھیں۔
ویڈیوز کے لیک ہونے کے تین سال بعد اب انہوں نے انکشاف کیا ہے کہ انہوں نے اپنی مرضی سے اپنے لیے ہی بولڈ ویڈیوز بنائی تھیں، جنہیں ایک خاتون نے لیک کیا۔
رابی پیرزادہ نے نیو ٹی وی کو دیے گئے انٹرویو میں یہ دعویٰ بھی کیا کہ شوبز کی خواتین اپنی شہرت کے لیے ایسی ویڈیوز بناتی رہتی ہیں اور انہیں بھی اس بات کا علم اپنی ویڈیوز لیک ہونے کے بعد ہوا تھا۔
انہوں نے کہا کہ وہ ویڈیوز لیک ہونے کے معاملے پر بات نہیں کرنا چاہتیں، اس وقت بھی انہیں اتنی شرمندگی کا سامنا کرنا پڑا تھا کہ وہ مر جانا چاہتی تھیں۔
ایک سوال کے جواب میں رابی پیرزادہ نے کہا کہ ویڈیوز لیک ہونے سے قبل انہیں خود پر اور اپنے کیریئر پر بہت غرور تھا، کیوں کہ انہوں نے کبھی کوئی غلط چیز یا بات نہیں کی تھی۔
انہوں نے چیلنج کیا کہ ویڈیوز لیک ہونے کے بعد کوئی ان کی سگریٹ پینے کی تصویر یا ویڈیو دکھائے۔
ساتھ ہی انہوں نے کہا کہ مذکورہ معاملے سے قبل ان کا کوئی بوائے فرینڈ بھی نہیں تھا اور انہیں اپنے کیریئر پر غرور تھا، جس کی سزا انہیں ملی۔
رابی پیرزادہ کا کہنا تھا کہ ویڈیوز لیک ہونے سے قبل وہ مہوش حیات، نیلم منیر اور وینا ملک جیسی اداکاراؤں کو خود سے کمتر سمجھتی تھیں لیکن اب وہ سمجھتی ہیں کہ وہ تمام اداکارائیں ان سے کئی گنا بہتر ہیں۔
ویڈیوز لیک کرنے کے معاملے پر انہوں نے کہا کہ لوگ اب بھی ان سوالات کرتے ہیں اور نہ جانے کیوں لوگوں کو گڑھے مردے اکھاڑنے کا شوق رہتا ہے۔
ساتھ ہی انہوں نے دعویٰ کیا کہ انہوں نے اپنی مرضی سے اپنے لیے بولڈ ویڈیوز بنائی تھیں، جنہیں ان کے ساتھ رہنے والی ایک خاتون نے لیک کیا تھا۔
انہوں نے ویڈیوز لیک کرنے والی خاتون سے متعلق مزید کوئی تفصیلات نہیں بتائی، تاہم کہا کہ انہیں اس وقت مذکورہ خاتون پر بھروسہ تھا، جس کا انہیں نقصان ہوا۔


مشہور خبریں۔
اسرائیل ایران کے ساتھ دو ہفتے سے زیادہ جنگ برداشت نہیں کر سکتا:وال اسٹریٹ جرنل
?️ 22 جون 2025 سچ خبریں:وال اسٹریٹ جرنل کا کہنا ہے کہ ایران کے ساتھ
جون
واٹس ایپ میں ’چیٹ میڈیا ہب‘ فیچر متعارف ہونے کا امکان
?️ 29 مئی 2025سچ خبریں: واٹس ایپ اپنے ویب ورژن کے لیے ایک نیا فیچر
مئی
آیت اللہ خامنہ ای نے ایرانی کرونا ویکسین کی پہلی ڈوز لے لی
?️ 25 جون 2021سچ خبریں:ایران کے روحانی پیشو اور اسلامی انقلاب کے رہنما آیت اللہ
جون
اسرائیل کو حزب اللہ کے میزائلوں سے بچانے کے لیے امریکہ کی جدوجہد
?️ 18 جون 2024سچ خبریں: مقبوضہ فلسطین کے شمالی محاذ میں صہیونی ٹھکانوں کے خلاف
جون
پاکستان تحریک انصاف کے کچھ منحرف ارکان کا حکومت سے رابطہ
?️ 19 مارچ 2022اسلام آباد(سچ خبریں) پاکستان تحریک انصاف نے دعویٰ کیا ہے کہ تین منحرف
مارچ
عمران خان کے دوست ہی ان کے لئے محاذ کھول رہے ہیں
?️ 28 اکتوبر 2021لاہور(سچ خبریں) عمران خان سے کہوں گا نادان دوست ان کے لیے
اکتوبر
نصراللہ کی شہادت کے بعد حزب اللہ کی جیت کا کارڈ
?️ 25 فروری 2025 سچ خبریں: سید حسن نصر اللہ کی شہادت کے بعد حزب اللہ
فروری
اسرائیل کو تحویل دی گئی لاش ایک اسرائیلی فوجی کی ہے، نہ کہ نامعلوم شخص کی
?️ 16 اکتوبر 2025اسرائیل کو تحویل دی گئی لاش ایک اسرائیلی فوجی کی ہے، نہ
اکتوبر